Eduardo – Te sistieme

Eduardo
Te sistieme

Nu soldo dínt’ ‘a sacca nn’ ‘o truvavo:
ll’amice, cene, femmene, ‘o triato…
‘A lira overamente nn’ ‘a curavo,
e quase sempe stevo disperato.

Dicev’ ‘a ggente: «Sino na mugliera
te pò cagnà sta capa p’ ‘a galera.
Te nzure, te sistieme nsanta pace…
siente na vota nu cunsiglio mio! »

Embè, mò nun me pozzo fà capace,
embè, v’ ‘o giuro quanto è certo Dio:
j’ nun sò stato mafie tanto nguaiato
comme a mò ca me songo sistimato!

1927-

note
sacca: tasca; triato: teatro; curavo: tenevo da conto; disperato: al verde;
capa p’ ‘a galera: testa matta, detto di persona spericolata;
te nzure: ti sposi; te sistieme: ti metti a posto, ti sistemi;
fà capace: capacitarmi; nguaiato: nei guai.
Annunci