Poesie
Io sarò al Senato quello che sono stato sia nella vita, sia nelle commedie.
È per quello che ho scritto che mi lusingo
abbiano voluto compensarmi con la nomina a senatore.
Quindi lo sapevano e lo sanno che io sono per il popolo
Eduardo
Pubblicheremo una serie
di poesie di Eduardo
Penziere mieje…
Penziere mieje, levàteve sti panne,
stracciàtev’ ‘a cammisa, e ascite annuro.
Si nun tenite n’abito sicuro,
tanta vestite che n’avit’ ‘a fa?
Menàteve spugliate mmiez’ ‘a via,
e si facite folla, cammenate.
Si sentite strillà, nun ve fermate:
nu penziero spugliate ‘a folla fa.
Currite ncopp’ ‘a ciurma ‘e na muntagna,
e quanno ‘e piede se sò cunzumate:
un’ànema e curaggio, e ve menate…
nzerranno ll’uocchie, primm’ ‘e ve menà!
Ca ve trovano annuro? Nun fa niente.
Ce sta sempe nu tizio canusciuto,
ca nun ‘o ddice… ca rimmane muto…
e ca ve veste, primm’ ‘e v’atterrà.
1948.
poeti e libertà 