Eduardo – ‘0 munno d’ ‘e pparole

Eduardo
‘0 munno d’ ‘e pparole

Si t’ ‘o ddico nun me cride
manco si pittass’ ‘o sole
pecché ‘o munno d’ ‘e pparole
mpara ll’arte d’ ‘o pparlà.

E tu saje ca st’arte è l’arte
ca se sceglie ‘o traditore
pecché l’ommo senza core
fa furtuna c’ ‘o pparlà.

Io, gnorsí, pure sò chillo
c’ha liggiuto e s’è applicato;
c’ ‘o mestiere s’ha mparato,
e se serve d’ ‘o pparlà…

Se capisce ca parlanno,
nciucio, mbroglio… e faccio ‘ammore.
Ma però tengo nu core
e cu te, che vuò parlà!

1944•
Note
si pittass’ ‘o sole: se facessi l’impossibile; nciucio: mi servo di qualunque mezzo;
che vuò parlà: rimango muto, perché ti amo.
Annunci